Velkomin á síðu www.junik.is

Almennt

Júník ehf áskilur sér rétt til þess að hætta við pantanir fyrirvaralaust til dæmis vegna rangra verðupplýsinga, innsláttarvillna eða ef varan er ekki lengur til á lager. Einnig áskilur Júník ehf sér rétt til þess að breyta verðum eða hætta að bjóða upp á vörur fyrirvaralaust. Við reynum eftir fremsta megni að setja inn myndir sem sýna rétta liti vörunnar en þar sem litir geta verið ólíkir milli tölvuskjáa getum við ekki tryggt það að þinn tölvuskjár sýni litinn nákvæmlega eins og hann er í raun. Stærðir á mismunandi flíkum geta í einhverjum tilfellum verið ólíkar. Ef ekki hefur verið greitt fyrir pöntun innan 48 tíma frá því að pantað var fellur pöntunin niður og varan/vörurnar verða settar aftur í sölu.

 

Afhending vöru

Pantanir eru í flestum tilfellum afgreiddar innan sólarhrings frá pöntun en það getur þó tekið nokkra daga. Hægt er að sækja vöruna til okkar í Smáralind eða Kringlunni á opnunartíma verslunarinnar. Einnig er hægt að fá vöruna senda heim með Íslandspósti og gilda afhendingar- ábyrgðar og flutningsskilmálar Íslandspósts um afhendingu vörunnar.Júník ehf tekur ekki ábyrgð á vöru eftir að hún hefur verið póstlögð og ber því ekki ábyrgð á tjóni sem varan kann að verða fyrir í flutningi en slíkt tjón er á ábyrgð kaupanda. Valið er hvort kaupandi sækir vöru eða fær hana senda þegar gengið er frá pöntuninni í netversluninni.

 

Sendingargjald

Sendingargjald fyrir hverja pöntun er 600 krónur.

 

 

Greiðsla pantana

Hægt er að greiða fyrir vörur með símgreiðslu með greiðslukorti (Visa, Mastercard, American express) og hringir starfsfólk junik.is í viðskiptavini. Einnig er hægt að millilfæra inn á reikning Júník ehf: 0331-26-1550, kt: 440811-0350 og senda kvittun á junik@junik.is Ekki er í boði að borga á staðnum hjá okkur í Smáralind eða Kringlunni fyrir vöru sem pöntuð er á junik.is.

 

Skilaréttur

Skilaréttur er 7 dagar frá útgáfudegi reiknings fyrir vörur sem keyptar eru í verslun Júník ehf í Smáralind eða Kringlunni og fyrir vörur sem keyptar eru í netverslun junik.is. Skilaréttur gildir að því tilskildu að varan sé ónotuð og í upprunalegu ástandi. Júník ehf áskilur sér rétt til þess að neita að taka við vöru til baka séu ofangreind skilyrði ekki uppfyllt. Ef vöru er skilað í gegnum póstsendingu ber kaupandi allan kostnað af flutningsgjöldum. (Kvittun fyrir vörukaupum þarf í öllum tilvikum að fylgja með). Þegar vöru er skilað getur kaupandi ýmist skipt vörunni í aðra vöru fyrir sömu upphæð og vörunnar sem skilað var eða fengið inneignarnótu að verðmæti vörunnar sem skilað er. Ef vara er hins vegar á einhvern hátt gölluð borgar Júník ehf sendingarkostnaðinn sem fellur til við skil á vöru.

 

Trúnaður

Júník ehf heitir kaupanda fullum trúnaði er varðar þær upplýsingar sem kaupandi gefur upp í viðskiptum við Júník ehf og verða upplýsingarnar ekki afhendar þriðja aðila undir neinum kringumstæðum.

 

Ef þú hefur einhverjar spurningar þá endilega hafðu samband við starfsfólk junik.is eða með tölvupósti á junik@junik.is

Kveðja

Starfsfólk Júník ehf

Mailing list